28 красавіка – Сусветны дзень аховы працы
Штогод 28 красавіка Міжнародная арганізацыя працы (МАП) адзначае Сусветны дзень аховы працы, надаючы асаблівую ўвагу якой-небудзь актуальнай тэме, звязанай з бяспекай і гігіенай працы.
У Рэспубліцы Беларусь пытанням бяспекі працы надаецца безумоўнае прыярытэтнае значэнне. Права работніка на бяспечную працу – адна з найважнейшых гарантый у галіне працы, устаноўленых Канстытуцыяй Рэспублікі Беларусь. Значэнне гэтага напрамку працы складана пераацаніць. Меры па ахове працы закліканы выратаваць жыцці і здароўе тысяч працаўнікоў.
У апошнія гады ў рэспубліцы палітыка ў галіне аховы працы накіравана на ўкараненне новых форм і метадаў прафілактычнай работы па папярэджанні вытворчага траўматызму.
Асноўнымі метадамі рэалізацыі ўпраўлення дзяржаўнай палітыкі ў галіне аховы працы з’яўляюцца:
- функцыянаванне галіновых і тэрытарыяльных сістэм кіравання аховай працы (далей – СКАП);
- удасканаленне СКАП у падпарадкаваных (размешчаных на падведамнай тэрыторыі) арганізацыях, накіраваных на выяўленне і мінімізацыю прафесійных рызык траўміравання работнікаў;
- разгляд на пасяджэннях калегіяльных органаў:
- пытанняў аховы і ўмоў працы, прафілактыкі вытворчага траўматызму, захавання патрабаванняў Дырэктывы Прэзідэнта Рэспублікі Беларусь ад 11 сакавіка 2004г. № 1 «Аб мерах па ўмацаванні грамадскай бяспекі і дысцыпліны»;
- справаздач кіраўнікоў падпарадкаваных (якія ўваходзяць у склад, размешчаных на падведамнай тэрыторыі) арганізацый па забеспячэнні аховы працы, працоўнай і вытворчай дысцыпліны;
- абставінаў і прычын няшчасных выпадкаў на вытворчасці з цяжкімі наступствамі з распрацоўкай мерапрыемстваў па вырашэнні праблем бяспекі працы, характэрных для галіны;
- аналіз вынікаў атэстацыі працоўных месцаў па ўмовах працы, прычын вытворчага траўматызму і прафесійнага захворвання ў падпарадкаваных (размешчаных на падведамнай тэрыторыі) арганізацыях;
- правядзенне штогадовых галіновых і тэрытарыяльных аглядаў-конкурсаў на лепшую арганізацыю работы па ахове працы з мэтай фарміравання ў работнікаў і кіраўнікоў культуры аховы працы;
- арганізацыя і правядзенне Дзён аховы працы і іншых аналагічных мерапрыемстваў у падпарадкаваных (размешчаных на падведамнай тэрыторыі) арганізацыях;
- правядзенне семінараў і канферэнцый па ахове працы.
