Асноўныя схемы здзяйснення тэлефонных махлярстваў пад маркай неабходнасці дэкларавання грашовых сродкаў
1 этап.
- Як правіла, паступае званок у мэсанджар (Viber, Telegram).
- Прадстаўляюцца водаканалам, энергазбытам (замена лічыльнікаў), паліклінікай (удакладненне дадзеных, замена папяровай карткі на электронную і да т.п.), фірмай па абслугоўванні дамафона (замена або рамонт прылады, прадастаўленне часовага кода для ўваходу пад’езд), органамі сацыяльнага забеспячэння (пераразлік памеру пенсіі), поштай (удакладненне даных для атрымання паштовых адпраўленняў).
- Выманьваюць персанальныя дадзеныя альбо звесткі аб нумарах банкаўскай карты, код з СМС нібы з прыкладанняў банкаў, кампаній аператараў мабільнай сувязі, пошты і г.д. Далей размова спыняецца.
2 этап.
- Чарговы званок у мэсанджар (Viber, Telegram).
- Заўсёды тэлефануюць з праваахоўных органаў (КДБ, КДК, СК, МУС, Нацбанк, БелДІЭ).
- Сцвярджаюць, што зафіксаваны факт зносін пацярпелага з ашуканцамі, якія на імя пацярпелага аформілі крэдыт, абвінавачваюць у фінансаванні экстрэмісцкіх фармаванняў, ВСУ і г.д.
- Патрабуюць нікому, у тым ліку блізкіх сваякоў, не паведамляць аб званках, выкарыстоўваючы відэасувязь, форменнае адзенне праваахоўных органаў, фота пасведчанняў, антураж службовых кабінетаў. Вымушаюць дзейнічаць хутка. Пастаянна “трымаюць” на тэлефоне.
Мэта: выклікаць чалавеку страх, пасля стварыць упэўненасць, што яму жадаюць дапамагчы. Ашуканцаў цікавіць толькі наяўнасць зберажэнняў, маёмасці. Паведамляецца, што ў дачыненні да пацярпелага распачата крымінальная справа, па месцы жыхарства будзе праведзены ператрус і канфіскаваны ўсе зберажэнні.
3 этап. Тыпавыя патрабаванні.
- З мэтай дэкларавання грашовых сродкаў і іх захаванасці неабходна:
- перавесці грошы на бяспечны рахунак;
- змясціць грошы ва ўмоўнае месца (лесапаркавыя зоны, смеццевыя кантэйнеры і г.д.);
- перадаць грошы “прадстаўніку” Нацбанка, супрацоўніку праваахоўных органаў, у тым ліку вывезці для перадачы кур’еру за мяжой.
- Атрымаць у банку максімальную колькасць крэдытаў, каб «вычарпаць крэдытны ліміт», альбо аказаць дапамогу ў выкрыцці ашуканцаў, якія нібыта працуюць у банку. Далей прапануюцца дзеянні, аналагічныя ўказаным у пункце 1.
- Прыняць удзел у спецыяльнай аперацыі з мэтай атрымання “станоўчых” характарыстык, пазбягання крымінальнай адказнасці і г.д. З гэтай мэтай сабраць грошы ва ўмоўных месцах або ў іншых асоб, якія не маюць магчымасці, у сілу ўзросту або стану здароўя, самастойна “задэклараваць” сродкі, пасля чаго перавесці іх на рахункі, або перадаць іншаму “прадстаўніку” дзяржорганаў, змясціць ва ўмоўнае месца або вывезці за межы рэспублікі.
