У цяперашні час у Рэспубліцы Беларусь адзначаецца цыркуляцыя негрыпозных рэспіраторных вірусаў (вірусы парагрыпу, адэнавірусы, рынавірусы, РС-вірусы, бокавірусы, сезонныя каронавірусы, метапнеўмавірусы), эпідэміялагічная сітуацыя па вострых рэспіраторных інфекцыях (ВРІ) стабільная і кантралюемая, характэрная для дадзенага гадавога перыяду.
Па прагнозах спецыялістаў у бягучым сезоне 2026–2027 гг. чакаецца адначасовая цыркуляцыя негрыпозных рэспіраторных вірусаў, вірусаў грыпу і SARS-CoV-2.
Пацыентам з груп высокай рызыкі захворвання, цяжкага цячэння і неспрыяльных наступстваў грыпу прапануецца вакцынацыя прэпаратам з цэнтралізаванай рэспубліканскай закупкі («Грыпол Плюс», вытворчасці Расійскай Федэрацыі).
Асобы, якім асабліва важна зрабіць прышчэпку супраць грыпу ў бягучым сезоне:
- дзеці ва ўзросце ад 6 месяцаў да 3-х гадоў;
- дзеці ад 3-х гадоў і дарослыя з хранічнымі захворваннямі і імунадэфіцытнымі станамі;
- асобы ва ўзросце старэйшыя за 65 гадоў;
- цяжарныя жанчыны;
- медыцынскія і фармацэўтычныя работнікі;
- дзеці і дарослыя, якія знаходзяцца ва ўстановах з кругласутачным рэжымам знаходжання;
- работнікі дзяржаўных органаў, якія забяспечваюць бяспеку дзяржавы і жыццядзейнасць насельніцтва.
Традыцыйна ў насельніцтва будзе магчымасць абараніць ад грыпу сябе і блізкіх, зрабіўшы прышчэпку за кошт уласных сродкаў.
Для вакцынацыі супраць інфекцыі COVID-19 будзе даступная вакцына «Канвасэл» (вытворчасці Расійскай Федэрацыі).
Асобы, якім мэтазгодна зрабіць прышчэпку супраць інфекцыі COVID-19:
- дарослыя з імунасупрэсіяй (імунадэфіцытамі, уключаючы ВІЧ-інфекцыю, аўтаімуннымі захворваннямі, анкалагічнымі і анкагематалагічнымі захворваннямі);
- асобы ва ўзросце 60 гадоў і старэйшыя;
- дарослыя асобы, якія знаходзяцца і працуюць ва ўстановах з кругласутачным рэжымам знаходжання.
Самая важная мэта вакцынацыі супраць грыпу і інфекцыі COVID-19 – прадухіліць развіццё цяжкага цячэння гэтых захворванняў і неспрыяльнага зыходу. Для фарміравання паўнавартаснай імуннай абароны найбольш мэтазгодна зрабіць прышчэпкі да пачатку актыўнай цыркуляцыі вірусаў і пад’ёму захваральнасці на грып і інфекцыю COVID-19.
Спецыяльная падрыхтоўка да прышчэпкі не патрабуецца. Важна, каб у дзень вакцынацыі не было вострага захворвання або абастрэння хранічнай хваробы. Перад працэдурай праводзіцца абавязковы агляд урача.
