24 сакавіка – сусветны дзень барацьбы з туберкулёзам. Ва ўстанове аховы здароўя “Брэсцкі абласны процітуберкулёзны дыспансер” арганізавана прамая тэлефонная лінія па пытаннях прафілактыкі і выяўлення туберкулёзу: 8 (0162) 28-52-53, з 10:00 да 15:00.
Жадаючыя могуць прайсці флюараграфічнае абследаванне ў перасоўным кабінеце камп’ютарнай рэнтгенаграфічнай устаноўкі «ПУЛЬМАЭКСПРЭС», г. Брэст, вул. Савецкая, 62. Пры сабе мець пашпарт!
З мэтай выяўлення туберкулёзу на ранніх стадыях неабходна праходзіць флюараграфічнае абследаванне!
Уся гісторыя туберкулёзу дзеліцца на два перыяды: да і пасля 24 сакавіка 1882 года, калі Роберт Кох абвясціў аб адкрыцці сухотнай палачкі і гэтае адкрыццё было прынята практыкуючымі лекарамі.
У Рэспубліцы Беларусь пры падтрымцы ўрада прыкладаюцца вялікія намаганні для барацьбы з туберкулёзнай інфекцыяй, робіцца акцэнт на раннюю дыягностыку туберкулёзу праз рэгулярныя рэнтгена флюараграфічныя абследаванні і правядзенне імунадыягностыкі з мэтай выключэння латэнтных форм туберкулёзу, укараняюцца сучасныя метады лячэння. лячэннем, што дазваляе спыніць распаўсюджванне інфекцыі. Прыярытэтам з’яўляецца барацьба з лекава-ўстойлівымі формамі туберкулёзу. Пацыенты з лекава-ўстойлівым туберкулёзам патрабуюць уважлівага стаўлення і намаганняў для забеспячэння больш кароткага і бязбольнага лячэння.
Рэспубліка Беларусь сумесна з СААЗ удасканальвае формы і метады лячэння, бо цяпер тэрміны лячэння скараціліся да 6-9 месяцаў. На працягу лячэння пацыентам аказваецца дапамога ў вырашэнні сацыяльных праблем і рэсацыялізацыі пасля заканчэння курса лячэння.
На распаўсюджванне туберкулёзу ў Рэспубліцы Беларусь уплывае прыток працоўных мігрантаў, захваральнасць на туберкулёз сярод якіх вышэйшая, чым сярод насельніцтва краіны, у сувязі з чым для папярэджання распаўсюджвання і пераадолення наступстваў туберкулёзу ў Рэспубліцы Беларусь уключаюцца не толькі медыцынскія работнікі, але і грамадскія арганізацыі.
Дзякуючы прынятым мерам па процідзеянні распаўсюджвання туберкулёзу паказчык захваральнасці на туберкулёз у Рэспубліцы Беларусь за апошнія 5 гадоў знізіўся на 41,2 працэнта. Цяпер у Рэспубліцы Беларусь створаны ўсе неабходныя ўмовы для ранняга выяўлення і лячэння туберкулёзу. Так самым простым і даступным метадам выяўлення туберкулёзу з’яўляецца рэнтгенафлюараграфічнае абследаванне.
Найважнейшым крокам з’яўляецца прафілактыка туберкулёзу, якая ўключае павышэнне дасведчанасці грамадзян аб прыкметах хваробы, своечасовым звароце да ўрача. Адным з важных метадаў прафілактыкі туберкулёзу з’яўляецца вакцынацыя, якая дазваляе зменшыць рызыку захворвання на туберкулёз, а таксама прадухіліць развіццё цяжкіх форм туберкулёзу. Бацькі, якія адмаўляюцца ад вакцынацыі БЦЖ, падвяргаюць дзяцей сур’ёзнай небяспецы.
Папярэдзіць туберкулёз магчыма, аказваючы падтрымку людзям з туберкулёзам і прытрымліваючыся правілаў здаровага ладу жыцця!
