Як адзначыў на цырымоніі Кіраўнік дзяржавы, «Галоўная асаблівасць нашага часу – беспрэцэдэнтная колькасць навацый. Змяняецца ўсё: парадыгмы, тэхналогіі, тэмы развіцця – налева-направа, наперад-назад паскорыліся. Ды і мы самі, людзі, мяняемся. Імкліва трансфармуюцца ідэалагічны і геапалітычны ландшафты. На нашых вачах набірае хуткасць новы этап так званай лічбавай рэвалюцыі».
Прэзідэнт звярнуў увагу, што нават у такім свеце, які імкліва змяняецца, ёсць рэчы абсалютныя. «Для нас гэта любоў і прыхільнасць да сваёй зямлі, да родных і блізкіх. Здаецца, філасофія, мараль нейкая. Але гэта таксама ляжыць у аснове ўсіх навуковых даследаванняў, душы вучонага. Тое, што дае апору, правільныя арыенціры і напаўняе сэнсам усё, што мы робім», – падкрэсліў ён.
