Ашуканцы ўвесь час удасканальваюць схемы падману, каб займець вашыя грошы. Для сувязі акрамя інтэрнэт-званкоў у месэнджарах, такіх як Viber, Telegram ці WhatsApp, могуць выкарыстоўваць стацыянарную тэлефонную і мабільную сувязь, а таксама інтэрнэт-відэасувязь. Часцей за ўсё яны прадстаўляюцца супрацоўнікамі праваахоўных органаў, работнікамі аператараў сотавай сувязі, дзяржаўных або банкаўскіх арганізацый, радзей – вашым сваяком або кіраўніком, брокерам або трэйдарам крыптабіржы.
Праваахоўныя органы НІКОЛІ:
- Не прыцягваюць грамадзян да садзейнічання праз тэлефонныя перамовы.
- Не патрабуюць пераводу грашовых сродкаў з мэтай іх дэкларавання або праверкі на легальнасць заробку.
- Не запытваюць канфідэнцыйныя дадзеныя, такія як паролі, нумары карт ці іншыя асабістыя звесткі па тэлефоне.
- Не патрабуюць неадкладнай грашовай выплаты за “пазбяганне арышту” або “вырашэнне праблем”.
- Не адпраўляюць фатаграфіі службовых пасведчанняў з дапамогай мэсэнджэраў.
Любыя тэлефонныя званкі такога роду з’яўляюцца супрацьпраўнымі і накіраваны на крадзеж грашовых сродкаў!
Найбольш распаўсюджаныя фразы, якія выкарыстоўваюцца ашуканцамі:
- «Ваш рахунак будзе заблакаваны, калі вы не адкажаце прама зараз»
- «Вашы грошы спрабуюць выкрасці, зафіксаваная падазроная аперацыя»
- «Ваш акаўнт быў узламаны. Калі ласка, пацвердзіце свае дадзеныя, каб аднавіць доступ»
- «У нас ёсць інфармацыя аб тым, што вашыя асабістыя дадзеныя былі скрадзеныя. Мы можам дапамагчы вам абараніцца»
- «Калі ласка, пацвердзіце сваю асобу, каб пазбегнуць блакіроўкі вашага акаўнта»
- «Вас турбуе спецыяліст фінансавай бяспекі, супрацоўнік службы бяспекі банка»
Правілы бяспекі, захаванне якіх дазволіць пазбегнуць падману пры здзяйсненні анлайн-пакупак:
- Не давайце нікому лагін і пароль ад асабістых кабінетаў крам і маркетплэйсаў, банкаў і гэтак далей.
- Не пераходзіце па знешніх спасылках: заходзіце на старонку і ў асабісты кабінет толькі з арыгінальнага сайта кампаніі.
- Майце зносіны са службамі падтрымкі толькі на афіцыйных сайтах або ў прыкладаннях.
- Не называйце нікому коды па тэлефоне.
- Не захоўвайце для аплаты ў асабістых кабінетах крэдытныя карты і карты з авердрафтам.
- Завядзіце асобную карту для маркетплэйсаў і ўносіце на яе суму, якой хапае толькі для аплаты самой пакупкі.
- Калі вы сумняваецеся, што вам тэлефануюць прадстаўнікі кампаніі, пакладзяце трубку і самі патэлефануеце ў падтрымку крамы па нумары, які пазначаны на сайце.
- Не захоўвайце ў мэсэнджэры і не выкладвайце ў адкрыты доступ копіі дакументаў, якія сведчаць асобу.
- Перад афармленнем замовы, праверце водгукі і рэйтынг прадаўца, акаўнт і ўмовы аплаты.
- Падлучыце двухфактарную аўтэнтыфікацыю для ўсіх сваіх акаўнтаў.
Будзьце пільныя і асцярожныя пры любых фінансавых аперацыях у інтэрнэце. Калі нешта здаецца падазроным, лепш перастрахавацца і праверыць інфармацыю. Абарона вашых грошай і дадзеных – гэта ваша адказнасць!
Больш інфармацыі ў тэлеграм-канале «Кіберкрэпасць».
